今日係平日，喺復活節前去剪個髮。
我唔係去啲咩大商場，只係去竹園廣場搵師傅剪髮。原來由未大學畢業，一直幫我剪到現在…
今日見太陽唔太猛烈，貪快只係泊左喺小食亭呢邊，否則泊返竹園多層停車場既話，要行太多樓梯先到我要去果間剪髮舖。去領展場泊車，近呢兩年只要加一張任何金額既食肆消費單，就可以送多兩個鐘免費泊車，而好多時都無仔細思考，就去想辦法搵張食肆單返黎；而好多時麥當勞係最優惠既選擇。今次買左杯優惠價熱Latte咖啡，只需要$16。
坐底等剪髮慢慢喺度諗，今日唔係大時大節，唔駛等好耐，無論如何兩個鐘內有人走得。竹園廣場停車場平日每小時收費$20，而家都要花$16去買杯咖啡，雖然係慳左$4，但其實係咪咁值得去特登張羅買啲咩食或者買啲咩飲呢?
